ភ្នំពេញ៖ ក្រសួងទេសចរណ៍នឹងរៀបចំសកម្មភាព និងព្រឹតិ្តការណ៍សំខាន់ៗចំនួន៣ ក្នុងពិធីបុណ្យសមុទ្រនៅឆ្នាំ២០២២នេះ។

កម្មវិធីទាំងនោះមានការសម្ដែងនូវទស្សនីយភាពសិល្បៈ ការប្រគុំតន្ត្រី ការបាញ់កាំជ្រួចអបអរសាទរ ជាមួយនឹងការរៀបចំមហោស្រពម្ហូបអាហារ និងផលិតផលទេសចរណ៍ និងសកម្មភាពកីឡាលើទឹក និងកីឡាលើឆ្នេរខ្សាច់ផងដែរ។

ក្រសួងក៏បើកឱ្យក្រុមហ៊ុនឯកជន ធុរជន សិល្បករ សិល្បការនី តារាចំរៀងជាតិ ដែលមានបំណងចូលរួមក្នុងសកម្មភាពនានា ឬផ្សព្វផ្សាយផលិតផលអាចធ្វើការទំនាក់ទំនងមកក្រសួងដើម្បីចុះឈ្មោះផងដែរ។

គួរឱ្យដឹងផងដែរថាពិធីបុណ្យសមុទ្រ លើកទី៩ ជុំទី៣ ក្រោមប្រធានបទ “ឆ្នេរនៃសន្តិភាព ឆ្នេរនៃក្តីសង្ឃឹម” (Bay of Peace, Bay of Hope) នឹងប្រព្រឹត្តិទៅចាប់ពី ថ្ងៃសុក្រ ទី០៨ ដល់ថ្ងៃទី១១ ខែធ្នូ ឆ្នាំ២០២២ នៅខេត្តព្រះសីហនុ ក្នុងគោលបំណងអបអរសាទរឆ្នេរសមុទ្រកម្ពុជាជាសមាជិកក្លឹបឆ្នេរ សមុទ្រដែលស្អាតជាងគេលើ សាកលលោក ក៏ដូចជាជំរុញលើកតំលៃ និងផ្សព្វផ្សាយសក្តានុពល់ទេសចរណ៍ ពិសេសអេកូទេសចរណ៍នៅតំបន់ឆ្នេរសមុទ្រកម្ពុជា៕